Белем алу кызыклы
Get Adobe Flash player
Баш бит | Блоглар | Ильфар's blog

Габдулла Тукай. qushlawich.ru    Хак Тәгалә әмере белән

    Җиргә Раушан йолдыз иңде,

    Бу сәгатьтә - Кушлавычта

    Дөньяга бер шагыйрь килде…

    Нәкъ 131 ел элек, шушы көндә авылыбызда Габдулла Тукай дөньяга килә... 27 ел гына яшәгән бөек шагыйрь, шушы кыска гына гомере эчендә никадәр күп мирас калдырган...

Шагыйрьләр күп,
Халык барсының да
Телдә йөртәмени шигырен?
Бөеклекнең сере нәрсәдә соң,
Ни билгели шагыйрь гомерен?
Кемнәр белми:
Өч дистәсен Тукай
Тутырмыйча дөнья куйганын;
Күңеленә җыеп халык моңын,
Үпкәсенә — дөнья тузанын.
Әзмәверләр күтәралмас йөкне
Чирек үпкә белән күтәреп,
Алга барган Тукай, милләтләрне
Тәрәккыйгә табан этәреп.
Илаһи моң булып шагыйрь гомере
Яңгырап тора шушы көнгәчә.
Ак сакаллы картлар яшь Тукайга:
— Остазыбыз! — диеп эндәшә.
Бөеклекнең сере яшьтәмени?!
Сере нидә — сора халыктан:
Шагыйрьләре белән авырган ул,
Шигырьләрен укып савыккан!

    P.S. Актуальлеген исәпкә алып сайтыбызда элек үк ачылган, үз эченә Кушлавычтагы Тукаевларның музей йорты турындагы мәгълүматларны, татарча Тукай мультфильмнарын, җырларын үз эченә алган интернет битебезне дә исегезгә төшерәбез (яңа биттә ачылачак): карарга.

    Бүген Кушлавычта зур гына чаралар узачак. Яңалыкларны карап барыгыз...

 

    Xaq Täğälä ämere belän
    Cirgä Rawşan yoldız iñde,
    Bu säğättä - Quşlawıçta
    Dönyäğa ber şağeyr kilde…
    Näq 131 yıl elek, şuşı köndä awılıbızda Ğabdulla Tuqay dönyäğa kilä... 27 yıl ğına yäşägän böyek şağeyr, şuşı qısqa ğına ğömere eçendä niqädär küp miras qaldırğan...

Şağeyrlär küp,
Xalıq barsınıñ da
Teldä yörtämeni şiğeren?
Böyeklekneñ sere närsädä soñ,
Ni bilgeli şağeyr ğömeren?
Kemnär belmi:
Öç distäsen Tuqay
Tutırmıyça dönyä quyğanın;
Küñelenä cıyıp xalıq moñın,
Üpkäsenä — dönyä tuzanın.
Äzmäwerlär kütäralmas yökne
Çirek üpkä belän kütärep,
Alğa barğan Tuqay, millätlärne
Täräkqeygä taban etärep.
İlahi moñ bulıp şağeyr ğömere
Yañğırap tora şuşı köngäçä.
Aq saqallı qartlar yäş Tuqayğa:
— Ostazıbız! — diep endäşä.
Böyeklekneñ sere yäştämeni?!
Sere nidä — sora xalıqtan:
Şağeyrläre belän awırğan ul,
Şiğerlären uqıp sawıqqan!

    P.S. Aktual’legen isäpkä alıp saytıbızda elek ük açılğan, üz eçenä Quşlawıçtağı Tuqayıwlarnıñ muzey yortı turındağı mäğlümatlarnı, tatarça Tuqay mul’tfilmnarın, cırların üz eçenä alğan internet bitebezne dä isegezgä töşeräbez (yaña bittä açılaçaq): qararğa.

    Bügen Quşlawıçta zur ğına çaralar uzaçaq. Yañalıqlarnı qarap barığız...

 

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада