Белем алу кызыклы
Get Adobe Flash player
Баш бит | Блоглар | Ильфар's blog

Кушлавычта "Акыл-баттл"    Бүген Бөек татар шагыйре Габдулла Тукайның туган авылы Кушлавычта, шагыйрнең тууына 131 ел тулу уңаеннан "ТатАрча кичләре" проекты кысаларында үткән "Акыл-баттл" интеллектуаль уены булып узды. Әлеге бәйгедә Наласа, Түбән-Аты, Утар-Аты һәм Кушлавыч мәктәпләре укучылары үз белемнәрен сынадылар... Кунаклар башта Кушлавычтагы Тукаевларның музей-йортында кунак булдылар. Анда үз белемнәрен тагын да ныгыткач Кушлавыч авыл клубында бәйге башланып та китте. Барлык катнашучыларны сәламләп аны Арча муниципаль районы “Мәгариф идарәсе” начальнигы Дәүләтбаев Зөлфәт Миннефарович ачып җибәрде. Кушлавыч авыл клубы мөдире Хәнәфиева Фәния Нурисламовна барлык укучылар, тамашачыларга уңышлар теләп шигъри юллар бүләк итте.

    Интеллектуаль уен берничә турда барды. “Татар яшьләре” (Наласа), “Ак калфак” (Утар-Аты), “Тукай оныклары” (Кушлавыч), “Тукай оныклары-2” (Түбән Аты) төркемнәре Габдулла Тукайның тормыш юлы, иҗаты, аның әсәрләре буенча язылган музыка, рәсем сәнгате үрнәкләре буенча бик кызыклы сорауларга җаваплар таптылар, үз өлгерлекләрен күрсәттеләр. Бәйгенең дүрт туры да аһәңле җырлар, дәртле биюләр, тирән эчтәлекле язма әсәрләр белән үрелеп барды. Аларны катнашучылар үзләре үк югары осталыкта башкарып күрсәттеләр.

   Бүгенге бәйгедә катнашучылар да, тамашачылар да бик кызыклы яңа мәгълүматлар белделәр. "Акыл-баттл" интеллектуаль уены һәркем өчен бик нәтиҗәле узды. Жюри комиссиясе әгъзалары Арча районы “Мәгариф идарәсе” начальнигы Дәүләтбаев З.М., “Мәгариф идарәсе” милли мәсьәләләр буенча методисты Мостафина Э.Г., Кушлавычтагы Тукаевлар музей-йорты җитәкчесе Мөхәммәтшина Л.М., Кушлавыч авыл китапханәчесе Фаттахова Р.Г. укучыларның белемнәре тирән, ныклы булуларын билгеләп үттеләр  Бәйге йомгаклары буенча һәр команда уенчылары Арча муниципаль районы “Мәгариф идарәсе” муниципаль учреждениясе, Арча муниципаль районы яшьләр эшләре, спорт һәм туризм бүлегенең грамоталары һәм истәлекле бүләкләргә лаек булды. Арча муниципаль районы Кушлавыч төп гомуми белем мәктәбе директоры Гайнуллин И.И. барлык укучыларга мәктәп коллективы исеменнән уңышлар теләде.

    Бүгенге бәйгегә районыбызда игълан ителгән “Татар милли киемнәре, атрибутлары көне” булуы да ямь өстәде. "ТатАрча кичләре" проекты кысаларында үткән "Акыл-баттл" интеллектуаль уены күмәк “Туган тел” җыры белән тәмамланды...

    Түбәндәрәк фотомизгелләр.

    Bügen Böyek tatar şağeyre Ğabdulla Tuqaynıñ tuğan awılı Quşlawıçta, şağıyrneñ tuuına 131 yıl tulu uñayınnan "TatArça kiçläre" proyıktı qısalarında ütkän "Aqıl-battl" intellektual’ uyını bulıp uzdı. Älege bäygedä Nalasa, Tübän-Atı, Utar-Atı häm Quşlawıç mäktäpläre uquçıları üz belemnären sınadılar... Qunaqlar başta Quşlawıçtağı Tuqayıwlarnıñ muzey-yortında qunaq buldılar. Anda üz belemnären tağın da nığıtqaç Quşlawıç awıl klubında bäyge başlanıp ta kitte. Barlıq qatnaşuçılarnı sälamläp anı Arça munitsipal’ rayonı “Mäğärif idaräse” naçal’nigı Däwlätbayew Zölfät Minnefaroviç açıp cibärde. Quşlawıç awıl klubı mödire Xänäfiewa Fäniä Nurislamovna barlıq uquçılar, tamaşaçılarğa uñışlar teläp şiğri yullar büläk itte.
    İntellektual’ uyın berniçä turda bardı. “Tatar yäşläre” (Nalasa), “Aq qalfaq” (Utar-Atı), “Tuqay onıqları” (Quşlawıç), “Tuqay onıqları-2” (Tübän Atı) törkemnäre Ğabdulla Tuqaynıñ tormış yulı, icatı, anıñ äsärläre buyınça yazılğan muzıqa, räsem sänğäte ürnäkläre buyınça bik qızıqlı sorawlarğa cawaplar taptılar, üz ölgerleklären kürsättelär. Bäygeneñ dürt turı da ahäñle cırlar, därtle biülär, tirän eçtälekle yazma äsärlär belän ürelep bardı. Alarnı qatnaşuçılar üzläre ük yuğarı ostalıqta başkarıp kürsättelär.
   Bügenge bäygedä qatnaşuçılar da, tamaşaçılar da bik qızıqlı yaña mäğlümatlar beldelär. "Aqıl-battl" intellektual’ uyını härkem öçen bik näticäle uzdı. Jyuri qömissiäse äğzaları Arça rayonı “Mäğärif idaräse” naçal’nigı Däwlätbayew Z.M., “Mäğärif idaräse” milli mäs’älälär buyınça metodistı Mostafina E.G., Quşlawıçtağı Tuqayıwlar muzey-yortı citäkçese Möxämmätşina L.M., Quşlawıç awıl kitapxanäçese Fattaxova R.G. uquçılarnıñ belemnäre tirän, nıqlı buluların bilgeläp üttelär  Bäyge yomğaqları buyınça här qomanda uyınçıları Arça munitsipal’ rayonı “Mäğärif idaräse” munitsipal’ uçrejdeniäse, Arça munitsipal’ rayonı yäşlär eşläre, sport häm turizm bülegeneñ gramotaları häm istälekle büläklärgä layıq buldı. Arça munitsipal’ rayonı Quşlawıç töp ğömumi belem mäktäbe direktorı Ğäynullin İ.İ. barlıq uquçılarğa mäktäp kollektivı isemennän uñışlar teläde.
    Bügenge bäygegä rayonıbızda iğlan itelgän “Tatar milli kiemnäre, atributları köne” buluı da yäm östäde. "TatArça kiçläre" proyıktı qısalarında ütkän "Aqıl-battl" intellektual’ uyını kümäk “Tuğan tel” cırı belän tämamlandı...

Уен алдыннан

Дәүләтбаев З.Ф.

Хәнәфиева Ф.Н.

Зуррак сыйфатлы һәм күбрәк фотолар: монда/ Monda zurraq sıyfatlı häm kübräk fotolar.

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада