Белем алу кызыклы
Get Adobe Flash player
Баш бит | Блоглар | Ильфар's blog

Кушлавычта Тукай кунаклары    Бүген Кушлавычта Г.Тукайның тууына 131 ел тулу уңаеннан бер төркем язучы, шагыйрьләр, сәнгать әһелләре булып китте. Аларны Арча районы башкарма комитеты җитәкчесе урынбасары Рамил Гарифҗанов һәм Арча районы "Мәдәният бүлеге" башлыгы Рамил Мөхетдинов озатып йөрделәр. Рәзил Вәлиев, Роберт Миңнуллин, Рәмис Аймәт, Рифә Рахман һәм башка кунакларны үзебездә күрүгә бик шатландык. Аларны Тукаевларның музей-йортында Кушлавыч төп гомуми белем мәктәбе укучылары каршы алды, матур шигырьләр, җырлар бүләк иттеләр. Шулай ук бераз гына соңарып булса да Рәзил ага Вәлиевны юбилее хөрмәтеннән үз шигыре һәм Тукаевлар музей-йортыннан истәлекле бүләк белән котлап киттек.

   Тукаевларның Кушлавычтагы музей-йорты җитәкчесе Ләйлә Мөхәммәтшина экскурсия барышында кунакларны чын мәгънәсендә Тукай дөньясына алып барып килде дияргә була. Шунда ук сынчы Мәхмүт Хәкимҗанов күргәзмәсен дә карап хозурландылар. Экскурсия тәмамлануга кунакларны музей ишек алдында Кушлавыч авыл клубында эшләп килүче, Татарстанның атказанган мәдәният хезмәткәре Фәния Хәнәфиева җитәкчелегендәге "Сәйләннәр" укучылар-фольклор төркеме сәламләде. Алар һәркемнең яшьлек хатирәләрен яңартты. Хөрмәтле кунакларыбыз үз чиратында Кушлавыч мәктәбе, Кушлавычтагы Тукаевларның музей-йорты, Кушлавыч авыл клубы, Кушлавыч авыл китапханәсе коллективларына зур рәхмәтләрен җиткереп истәлекле бүләкләрен дә тапшырдылар.

    Габдулла Тукайның әтисе Мөхәммәтгариф хәзрәт каберенә зиярат кылып, аларның рухына догалар укыганнан соң кабат Тукай һәйкәле янына җыелдык. Һәйкәлгә, татар халкының бөек шагыйре Габдулла Тукайга чәчәкләр салынды...

    Фотомизгелләр түбәндәрәк.

     Bügen Quşlawıçta G.Tuqaynıñ tuuına 131 yıl tulu uñayınnan ber törkem yazuçı, şağeyrlär, sänğät ähelläre bulıp kitte. Alarnı Arça rayonı başkarma qömitetı citäkçese urınbasarı Ramil Ğärifcanov häm Arça raoynı "Mädäniät bülege" başlığı Ramil Möxetdinov ozatıp yördelär. Räzil Wäliew, Robert Miñnullin, Rämis Aymät, Rifä Raxman häm başqa qunaqlarnı üzebezdä kürügä bik şatlandıq. Alarnı Tuqayıwlarnıñ muzey-yortında Quşlawıç töp ğömumi belem mäktäbe uquçıları qarşı aldı, matur şiğerlär, cırlar büläk ittelär. Şulay uq beraz ğına soñarıp bulsa da Räzil ağa Wäliewnı yübilee xörmätennän üz şiğere häm Tuqayıwlar muzey-yortınnan istälekle büläk belän qotlap kittek..
   Tuqayıwlarnıñ Quşlawıçtağı muzey-yortı citäkçese Läylä Möxämmätşina eksqürsiä barışında qunaqlarnı çın mäğnäsendä Tuqay dönyäsına alıp barıp kilde diärgä bula. Şunda uq sınçı Mäxmüt Xäkimcanov kürgäzmäsen dä qarap xozurlandılar. Eksqürsiä tämamlanuğa qunaqlarnı muzey işek aldında Quşlawıç awıl klubında eşläp kilüçe, Tatarstannıñ atqazanğan mädäniät xezmätkäre Fäniä Xänäfiewa citäkçelegendäge "Säylännär" uquçılar-fol’klor törkeme sälamläde. Alar härkemneñ yaş’lek xatirälären yañarttı. Xörmätle qunaqlarıbız üz çiratında Quşlawıç mäktäbe, Quşlawıçtağı Tuqayıwlarnıñ muzey-yortı, Quşlawıç awıl klubı, Quşlawıç awıl kitapxanäse kollektivlarına zur räxmätlären citkerep istälekle büläklären dä tapşırdılar.
    Ğabdulla Tuqaynıñ ätise Möxämmätğärif xäzrät qäberenä ziärat qılıp, alarnıñ ruxına doğalar uqığannan soñ qabat Tuqay häykäle yanına cıyıldıq. Häykälgä, tatar xalkınıñ böyek şağeyre Ğabdulla Tuqayğa çäçäklär salındı...

Тукайга 131.Кунаклар

Зуррак сыйфатлы фотолар: монда/ Monda zurraq sıyfatlı  fotolar.

Фикерләр

Тукай премиясе лауреатлары-2017/ Tuqay premiäse lawreatları-2017

    Татарстан Президенты каршындагы Дәүләт премияләре буенча комиссия тарафыннан тәкъдим ителеп, ТР Президенты Рөстәм Миңнеханов Указы белән расланган Габдулла Тукай исемендәге Дәүләт бүләге лауреатлары:

    Маликова Мәдинә Габделхаковна – “Арыш тәме”китабы. Ул үз эченә роман, повесть, хатирәләрне ала. 2014 елда “Ихлас”ААҖ бастырылган.

    Салихов Харис Салихович - “А.Пушкин, Г.Тукай иҗатында дөньяви һәм дини мотивлар һәм бүгенге көндә әхлакый тәрбия бирү проблемалары” (Казан, “Идел-Пресс” нәшрияты, 2008); “Дин һәм фән (дөньядагы дини һәм дөньяви мәдәният нигезләре)” (Казан, “Идел-Пресс” нәшрияты, 2012).

    Шаһиева Розалина Гомәровна - Татарстанның милли мәдәни мирасы турындагы “Мәңгелек гөлчәчәкләре: татар һәм рус телендәге мәкаләләр җыелмасы” (Казан: “Заман” нәшрияты, 2015).

    Tatarstan Prezidentı qarşındağı Däwlät premiäläre buyınça qömissiä tarafınnan täqdim itelep, TR Prezidentı Röstäm Miñnexanov Uqazı belän raslanğan Ğabdulla Tuqay isemendäge Däwlät büläge lawreatları:
    Malikova Mädinä Gabdelxakovna – “Arış täme”kitabı. Ul üz eçenä roman, powest, xatirälärne ala. 2014 yılda “İxlas”AAC bastırılğan.
    Salixov Xaris Salixoviç - “A.Puşkin, G.Tuqay icatında dönyäwi häm dini motivlar häm bügenge köndä äxlaqey tärbiä birü problemaları” (Qazan, “İdel-Press” näşriätı, 2008); “Din häm fän (dönyädağı dini häm dönyäwi mädäniät nigezläre)” (Qazan, “İdel-Press” näşriätı, 2012).
    Şahiewa Rozalina Ğömärovna - Tatarstannıñ milli mädäni mirası turındağı “Mäñgelek gölçäçäkläre: tatar häm rus telendäge mäqälälär cıyılması” (Qazan: “Zaman” näşriätı, 2015).

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада