Белем алу кызыклы
Get Adobe Flash player
Баш бит | Блоглар | Ильфар's blog

Кушлавыч музеенда    "Халыкара гаилә көне" уңаеннан Кушлавычтагы Тукаевларның музей-йортында “Кул эшләрендә-күңел җылысы” дип аталган күргәзмә оештырылды.  Әлеге күргәзмәдә авылда яшәп гомер итүче гүзәл, эшлекле ханымнарның кул эшләре урын алды. Катнашучыларның иҗат җимешләреннән оештырылган күргәзмәдә нәрсә генә юк:  вазадагы чәчәкләр - җәй көне өй түрләрендә үсеп утырган чәчәкләрне хәтерләтә иде, кофта, косынка, тапочка, оекбаш һәм бияләйләрдә бер бизәк тә кабатланмаган, һәр кеше үз фантазиясеннән чыгып искиткеч бәйләм өлгеләре иҗат иткән. Барысы да үзенчә игътибарга һәм мактауга лаек, һәрберсен озаклап сокланып карап торырлык.

     Кул эшләренең төрлелеге, матурлыгы, зәвык белән эшләнеше сокландырды. Гади куллар белән шулкадәр камил әйберләр ясап була дип гаҗәпләнәсең хәтта. Күргәзмәне карагач, андагы матурлыкны күреп, җаныңа рухи азык аласың.

    Кунакка да буш кул белән килмәгән авыл уңганнары. Алар әзерләгән ризыклар авызда эреп тора иде. Менә шулай безнең хатын-кызларыбыз — кунакчыл, тырыш, эшчән, кайчак шук, шаян, кирәк чакта өлгер, булдыклы алар. Үзләре пешереп алып килгән ризыклар белән чәй өстәле янында бәйләү серләре буенча үзләренең фикерләрен әйттеләр,тәмле ризыкларының рецептлары белән алыштылар. Музейда булган экспонатларны, фотоларны карап, яшьлекләрен искә төшерделәр. Яшь вакытларында аулак өйләрдә ничек итеп бәйләү ярышлары оештырулары һәм уйнаган уеннары турында кызык итеп сөйләделәр. Музейда күргәзмәгә куелган фронттан килгән өчпочмаклы хатларны күргәч, яшь вакытта хат ташучы булып эшләгән (хәзерге вакытта авылыбызның хөрмәтле кешесе-абыстаебыз) Мәрхәмбикә апа Вәлиева үзенең дә өчпочмаклы хатлар ташуын, хәтта хат эченнән 100 сум акчаның да югалмыйча адресатына килеп җитүе һәм башка кызыклы вакыйгалар турында сөйләде.

    Бәйрәм кичәсенең кунаклары оештыручылар Кушлавычтагы Тукаевларның музей-йорты, Кушлавыч авыл клубы, Кушлавыч авыл китапханәсе хезмәткәрләренә уңышлар теләп, киләчәктә дә мондый чараларны ешрак уздырырга кирәк дигән теләктә таралыштылар.

    Фотомизгелләр түбәндәрәк.

    "Xalıqara ğäilä köne" uñayınnan Quşlawıçtağı Tuqayıwlarnıñ muzey-yortında “Qul eşlärendä-küñel cılısı” dip atalğan kürgäzmä oyıştırıldı.  Älege kürgäzmädä awılda yäşäp ğömer itüçe güzäl, eşlekle xanımnarnıñ qul eşläre urın aldı. Qatnaşuçılarnıñ icat cimeşlärennän oyıştırılğan kürgäzmädä närsä genä yuq:  wazadağı çäçäklär - cäy köne öy türlärendä üsep utırğan çäçäklärne xäterlätä ide, qofta, qosınqa, tapoçqa, oyıqbaş häm biäläylärdä ber bizäk tä qabatlanmağan, här keşe üz fantaziäsennän çığıp iskitkeç bäyläm ölgeläre icat itkän. Barısı da üzençä iğtibarğa häm maqtawğa layıq, härbersen ozaqlap soqlanıp qarap torırlıq.
     Qul eşläreneñ törlelege, maturlığı, zäwıq belän eşläneşe soqlandırdı. Ğädi qullar belän şulqadär qämil äyberlär yasap bula dip ğäcäplänäseñ xätta. Kürgäzmäne qarağaç, andağı maturlıqnı kürep, canıña ruxi azıq alasıñ.
    Qunaqqa da buş qul belän kilmägän awıl uñğannarı. Alar äzerlägän rizıqlar awızda erep tora ide. Menä şulay bezneñ xatın-qızlarıbız — qunaqçıl, tırış, eşçän, qayçaq şuq, şayan, kiräk çaqta ölger, buldıqlı alar. Üzläre peşerep alıp kilgän rizıqlar belän çäy östäle yanında bäyläw serläre buyınça üzläreneñ fikerlären äyttelär,tämle rizıqlarınıñ retseptları belän alıştılar. Muzeyda bulğan eksponatlarnı, fotolarnı qarap, yaş’leklären iskä töşerdelär. Yäş waqıtlarında awlaq öylärdä niçek itep bäyläw yarışları oyıştıruları häm uynağan uyınnarı turında qızıq itep söylädelär. Muzeyda kürgäzmägä quyılğan fronttan kilgän öçpoçmaqlı xatlarnı kürgäç, yäş waqıtta xat taşuçı bulıp eşlägän (xäzerge waqıtta awılıbıznıñ xörmätle keşese-abıstayıbız) Märxämbikä apa Wäliewa üzeneñ dä öçpoçmaqlı xatlar taşuın, xätta xat eçennän 100 sum aqçanıñ da yuğalmıyça adresatına kilep citüe häm başqa qızıqlı waqıyğalar turında söyläde.
    Bäyräm kiçäseneñ qunaqları oyıştıruçılar Quşlawıçtağı Tuqayıwlarnıñ muzey-yortı, Quşlawıç awıl klubı, Quşlawıç awıl kitapxanäse xezmätkärlärenä uñışlar teläp, kiläçäktä dä mondıy çaralarnı yışraq uzdırırğa kiräk digän teläktä taralıştılar.

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада