Белем алу кызыклы
Get Adobe Flash player
Баш бит | Блоглар | Ильфар's blog

    Бүген Арча муниципаль районы буенча "Әдәби марафон" булып узды. Әлеге үзенчәлекле чарага  каләм әһелләре Данил Салихов, Камил Кәримов, Рифат Җамал, Хәнәфи Бәдигый, Вакыйф Нуриев, Рифә Рахман, Фирдәүс Зариф, Альберт Гаделшин кайттылар. Район буенча барган әдәбият очрашуы Арча шәһәре 9 балалар бакчасында башланып китте. Кунакларны нәниләр өч телдә "Туган тел" җырын башкарып каршыладылар, Тукай әсәрләренә нигезләнеп әзерләнгән "Әдәплелек дәресе" дә әдипләребезгә бик ошады, шулай ук кунаклар белән бергәләшеп "Бәйрәм бүген" җырын оркестр төзеп тә башкардылар. Мондый әзерлек белән каршы алуга сокланып кунаклар тәрбиячеләр, җитәкчеләргә зур рәхмәтләрен җиткерделәр...

    Маршрут Арча шәһәре буенча дәвам итте. Унберенче, икенче, бишенче балалар бакчаларында да шулай ук күңелле чаралар узды. Төшке аштан соң кунакларыбыз ике төркемгә бүленеп Наласа, Түбән-Аты, Утар-Аты, Кушлавыч мәктәпләрендә укучылар белән очраштылар.

    Кушлавыч авылына Данил Салихов, Рифат Җамал, Вакыйф Нуриев, Фирдүс Зариф, Альберт Гаделшин төркеме килде. Кунакларны Арча муниципаль районы "Мәгариф идарәсе" начальнигы Дәүләтбаев Зөлфәт Миннефарович озатып йөрде. Аларны Кушлавыч мәктәбе, Кушлавычтагы Тукаевларның музей-йорты, Кушлавыч авыл клубы хезмәт коллективлары каршылады. Әдипләр укучыларыбызга кызыклы вакыйгалар сөйләп әсәрләре белән таныштырдылар, төпле, тәрбияви киңәшләрен бирделәр. Матур шигырьләр, кызыклы әкиятләр, моңлы җырлар очрашуыбызны тагын да ямьләндерде. Укучыларыбыз да аларга сорауларын яудырды. Күңелле дә, эшлекле дә очрашу килеп чыкты. "Әдәби марафон"ны чәй өстәле артында тәмамладык...

    Фотомизгелләр түбәндәрәк.

    Bügen Arça munitsipal’ rayonı buyınça "Ädäbi marafon" bulıp uzdı. Älege üzençälekle çarağa  qäläm ähelläre Danil Salixov, Qämil Kärimov, Rifat Camal, Xänäfi Bädiğey, Waqıyf Nuriew, Rifä Raxman, Firdäws Zarif, Al’bert Ğädelşin qayttılar. Rayon buyınça barğan ädäbiät oçraşuı Arça şähäre 9 balalar baqçasında başlanıp kitte. Qunaqlarnı nänilär öç teldä "Tuğan tel" cırın başkarıp qarşıladılar, Tuqay äsärlärenä nigezlänep äzerlängän "Ädäplelek därese" dä ädiplärebezgä bik oşadı, şulay uq qunaqlar belän bergäläşep "Bäyräm bügen" cırın orkestr tözep tä başqardılar. Mondıy äzerlek belän qarşı aluğa soqlanıp qunaqlar tärbiäçelär, citäkçelärgä zur räxmätlären citkerdelär...
    Marşrut Arça şähäre buyınça däwam itte. Unberençe, ikençe, bişençe balalar baqçalarında da şulay uq küñelle çaralar uzdı. Töşke aştan soñ qunaqlarıbız ike törkemgä bülenep Nalasa, Tübän-Atı, Utar-Atı, Quşlawıç mäktäplärendä uquçılar belän oçraştılar.
    Quşlawıç awılına Danil Salixov, Rifat Camal, Waqıyf Nuriew, Firdüs Zarif, Al’bert Ğädelşin törkeme kilde. Qunaqlarnı Arça munitsipal’ rayonı "Mäğärif idaräse" naçal’nigı Däwlätbayew Zölfät Minnefaroviç ozata kilde. Qunaqlarnı Quşlawıç mäktäbe, Quşlawıçtağı Tuqayıwlarnıñ muzey-yortı, Quşlawıç awıl klubı xezmät kollektivları qarşıladı. Ädiplär uquçılarıbızğa qızıqlı waqıyğalar söyläp äsärläre belän tanıştırdılar, töple, tärbiäwi kiñäşlären birdelär. Matur şiğerlär, qızıqlı äkiätlär, moñlı cırlar oçraşuıbıznı tağın da yämländerde. Uquçılarıbız da alarğa sorawların yawdırdı. Küñelle dä, eşlekle dä oçraşu kilep çıqtı. "Ädäbi marafon"nı çäy östäle artında tämamladıq...

Арча шәһәре 9 балалар бакчасы/ Arça şähäre 9 balalar baqçası:

Кушлавыч/ Quşlawıç:

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада