Белем алу кызыклы
Get Adobe Flash player
Баш бит | Блоглар | Ильфар's blog

Болгар    Җәйге яллар чорына туры китереп һәм "Рәсәй көне" уңаеннан үзебезгә бүләк ясадык. Барлык укучыларыбыз, мәктәп коллективы, дусларыбызны да дәшеп Болгар шәһәренә сәяхәт кылдык. Юл ерак кебек тоелса да югары комфортлы автобуста баргач арытмады. Әлеге автобусны Арча шәһәре "Боз сарае"ннан арендаладык, әлеге мөмкинлекне тудырган өчен аларның җитәкчелегенә дә зур рәхмәтлебез! Көне дә матур булды, иртәнге 6.00. бик илтифатлы йөртүчебез Илгиз абый автобуны ерак юлга кузгалтты. Матур музыка тыңлап, көн эсселәнүгә салкынча һава өреп баручы юл корабында бару бик уңайлы булды, дүрт сәгать тирәсе вакыт сизелми дә үтеп киткән...

    Безне хозур Болгар шәһәре каршы ала. Ул дөрестән дә бик нык яңарган, матурайган!.. Алдан сөйләшеп кую буенча безне татар телле гидыбыз Люция Шамилевна каршы алды. Аның җитәкчелегендә әлеге тарихи шәһәребез турында шулкадәр күп мәгълүмат алдык, барлык биналарда, изге чишмәдә, Ак мәчеттә булдык. Экскурсия үзәге буларак махсус килешеп шәһәрчек буенча үз автобусыңда да йөрү каралган икән хәзер (анда кечкенә махсус ачык автобуслар да тәкъдим ителә), бик уңайлы булды... Кыскасы, барсагыз үкенмәссез! Шулкадәр матурлык, бик яхшы мөгальләмә, чын-заманча экскурсия үзәге...

    Әлеге сәяхәтебезне оештыруда зур ярдәм иткән Арча шәһәре "Боз сарае" җитәкчелегенә, автобус йөртүчебез Ильгиз абыйга (автобус арендасы буенча аларга элемтәгә чыга аласыз), Болгар шәһәрчегендә безнең белән булган Люция Шамилевнага (сәяхәтебезнең ахыргы ноктасына кадәр безнең белән булып, озатып калды) олы рәхмәтләребезне җиткерәбез!

    Фотомизгелләр түбәндәрәк.

    Cäyge yallar çorına turı kiterep häm "Räsäy köne" uñayınnan üzebezgä büläk yasadıq. Barlıq uquçılarıbız, mäktäp kollektivı, duslarıbıznı da däşep Bolgar şähärenä säyäxät qıldıq. Yul yıraq kebek toyılsa da yuğarı komfortlı avtobusta barğaç arıtmadı. Älege avtobusnı Arça şähäre "Boz sarayı"nnan arendaladıq, älege mömkinlekne tudırğan öçen alarnıñ citäkçelegenä dä zur räxmätlebez! Köne dä matur buldı, irtänge 6.00. bik iltifatlı yörtüçebez İlgiz abıy avtobunı yıraq yulğa quzğalttı. Matur muzıqa tıñlap, kön esselänügä salqınça hawa örep baruçı yul qorabında baru bik uñaylı buldı, dürt säğät tiräse waqıt sizelmi dä ütep kitkän...
    Bezne xozur Bolgar şähäre qarşı ala. Ul dörestän dä bik nıq yañarğan, maturayğan!.. Aldan söyläşep quyu buyınça bezne tatar telle gidıbız Lyutsiä Şamilevna qarşı aldı. Anıñ citäkçelegendä älege tarixi şähärebez turında şulqadär küp mäğlümat aldıq, barlıq binalarda, izge çişmädä, Aq mäçettä buldıq. Eksqürsiä üzäge bularaq maxsus kileşep şähärçek buyınça üz avtobusıñda da yörü qaralğan ikän xäzer (anda keçkenä maxsus açıq avtobuslar da täqdim itelä), bik uñaylı buldı... Qısqası, barsağız ükenmässez! Şulqadär maturlıq, bik yaxşı möğällämä, çın-zamança eksqürsiä üzäge...
    Älege säyäxätebezne oyıştıruda zur yärdäm itkän Arça şähäre "Boz sarayı" citäkçelegenä, avtobus yörtüçebez İlgiz abıyğa (avtobus arendası buyınça alarğa elemtägä çığa alasız), Bolgar şähärçegendä bezneñ belän bulğan Lyutsiä Şamilevnağa (säyäxätebezneñ axırğı noqtasına qadär bezneñ belän bulıp, ozatıp qaldı) olı räxmätlärebezne citkeräbez!

Монда кайбер фотомизгелләр генә. Искиткеч матур Болгар шәһәрен үзегезгә күреп кайтырга тәкъдим итәбез!..

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада