Белем алу кызыклы
Get Adobe Flash player
Баш бит | Блоглар | Ильфар's blog

Министр Арчада    Бүген Татарстан Республикасы Арча муниципаль районы мәгариф хезмәткәрләренең август киңәшмәсе узды. Укытучыларның гамәли киңәшмәләре август уртасыннан ук башланды. Ә бүген йомгаклау конференциясе. Пленар утырышта Татарстан Республикасы премьер министры урынбасары, мәгариф һәм фән министры Энгель Нәвапович Фаттахов та катнашты. Ул Арча муниципаль районының кайбер мәктәпләрендә булды, яңа төзелеп килүче Арча 6нчы номерлы мәктәбендә эш торышы белән танышты.  Пленар утырыштан соң капиталь ремонт узган Сеҗе урта мәктәбен ачуда катнашты...

    Август киңәшмәсе узган, район мәдәният йорты урнашкан Арчаның үзәк мәйданы иртәдән бәйрәм чаралырыннан гөрләп торды. Кунакларны район мәктәпләре ярминкәсе, чәчәк композицияләре күргәзмәсе, район укучыларының чыгышлары, җыр-биюләр, район мәктәпләре эшчәнлекләрен яктырткан шәхсән күргәзмәләр каршы алды.

    Пленар утырышны Арча муниципаль районы башлыгы Нуриев Ильшат Габделфәрт  улы ачып җибәрде һәм алып барды.

    "Район мәгариф системасының белем бирү, тәрбия һәм этномәдәни потенциялы" доклады белән Арча муниципаль районы башкарма комитеты мәгариф идарәсе җитәкчесе Ибраһимов Алмаз Ринат улы эшчәнлеккә нәтиҗә ясап алга бурычлар билгеләде. Шушы ук юнәлештә район башлыгы Ильшат Габделфәртович та уңай якларны да, кимчелекләрне дә ачып нәтиҗәләр ясады һәм күрсәтмәләр бирде.

    ТР премьер министры урынбасары, мәгариф һәм фән министры Энгель Нәвапович Фаттахов үз чыгышында Арча районы мәктәпләренең яңа уку елына әзерлеге, торышы белән кәнагать булуын белдерде. Шул ук вакытта эшлисе эшләрнең дә җитәрлеген азсызыклады.

    Утырыш барышында район мәгариф учреждениеләре җитәкчеләре дә чыгыш ясады. Алар үз эшчәнлекләре белән таныштырдылар, кайбер мәсьәләләр буенча министрыбызга мөрәҗәгатьләрен дә җиткерделәр. Шулай ук Арча муниципаль районында мәгариф торышының уңай шартларын булдыруда зур эшчәнлек алып барулары өчен Татарстан Республикасы президенты Рөстәм Нургалиевич Миңнехановка, премьер министры урынбасары, мәгариф һәм фән министры Энгель Нәвапович Фаттаховка зур рәхмәтләрен җиткерделәр. Әлеге фикерләрне район башлыгы Ильшат Габделфәртович та куатләде...

    Очрашу күңелле мизгелләр, алдынгы мәгариф хезмәткәрләренә дәүләт һәм муниципаль район бүләкләрен тапшыру белән тәмамланды.

    Яңа уку елының ишекләре ачык. Мәгариф өлкәсендә хезмәт куючы һәркемгә ныклы сәламәтлек, иҗади уңышлар телибез!..

    Кайбер фотомизгелләр түбәндәрәк.

    Bügen Tatarstan Respublikası Arça munitsipal’ rayonı mäğärif xezmätkärläreneñ avgust kiñäşmäse uzdı. Uqıtuçılarnıñ ğämäli kiñäşmäläre avgust urtasınnan uq başlandı. Ä bügen yomğaqlaw konferensiäse. Plenar utırışta Tatarstan Respublikası premyer ministrı urınbasarı, mäğärif häm fän ministrı Engel Näwapoviç Fattaxov ta qatnaştı. Ul Arça munitsipal’ rayonınıñ qäyber mäktäplärendä buldı, yaña tözelep kilüçe Arça 6nçı nomerlı mäktäbendä eş torışı belän tanıştı.  Plenar utırıştan soñ kapital’ remont uzğan Sece urta mäktäben açuda qatnaştı...
      Avgust kiñäşmäse uzğan, rayon mädäniät yortı urnaşqan Arçanıñ üzäk mäydanı irtädän bäyräm çaralırınnan görläp tordı. Qunaqlarnı rayon mäktäpläre yärminkäse, çäçäk kompozitsiäläre kürgäzmäse, rayon uquçılarınıñ çığışları, cır-biülär, rayon mäktäpläre eşçänleklären yaqtırtqan şäxsän kürgäzmälär qarşı aldı.
    Plenar utırışnı Arça munitsipal’ rayonı başlığı Nuriew İlşat Ğäbdelfärt  ulı açıp cibärde häm alıp bardı.
    "Rayon mäğärif sistemasınıñ belem birü, tärbiä häm etnomädäni potensiälı" doqladı belän Arça munitsipal’ rayonı başkarma qömitetı mäğärif idaräse citäkçese İbrahimov Almaz Rinat ulı eşçänlekkä näticä yasap alğa burıçlar bilgeläde. Şuşı uq yünäleştä rayon başlığı İlşat Ğäbdelfärtoviç ta uñay yaqlarnı da, kimçeleklärne dä açıp näticälär yasadı häm kürsätmälär birde.
    TR premyer ministrı urınbasarı, mäğärif häm fän ministrı Engel Näwapoviç Fattaxov üz çığışında Arça rayonı mäktäpläreneñ yaña uqu yılına äzerlege, torışı belän känağät buluın belderde. Şul uq waqıtta eşlise eşlärneñ dä citärlegen azsızıqladı.
    Utırış barışında rayon mäğärif uçrejdenieläre citäkçeläre dä çığış yasadı. Alar üz eşçänlekläre belän tanıştırdılar, qäyber mäs’älälär buyınça ministrıbızğa möräcäğätlären dä citkerdelär. Şulay uq Arça munitsipal’ rayonında mäğärif torışınıñ uñay şartların buldıruda zur eşçänlek alıp baruları öçen Tatarstan Respublikası prezidentı Röstäm Nurğälieviç Miñnexanovqa, premyer ministrı urınbasarı, mäğärif häm fän ministrı Engel Näwapoviç Fattaxovqa zur räxmätlären citkerdelär. Älege fikerlärne rayon başlığı İlşat Ğäbdelfärtoviç ta qüatläde...
    Oçraşu küñelle mizgellär, aldınğı mäğärif xezmätkärlärenä däwlät häm munitsipal’ rayon büläklären tapşıru belän tämamlandı.
    Yaña uqu yılınıñ işekläre açıq. Mäğärif ölkäsendä xezmät quyuçı härkemgä nıqlı sälamätlek, icadi uñışlar telibez!..

Чәчәк күргәзмәсеннән

Ярминкәдән

Пленар утырыш

Арский РОО

Арский педколледж

Арские школы

Арский садик

Нуриев И.Г.

Фаттахов Э.Н.

Пленар утырыш

Дәүләт бүләкләре

Район бүләкләре

Әлеге язма белән бүлешү:

Cайт географиясе

 

Соңгы фикерләр

Сайтка керү

Арчада